د ٤ کونډو او ٢٥ يتيمانو سرپرسته سولې ته سترګې په لاره ده

Create: 04/05/2020 - 12:28

ترينکوټ (پژواک، ۱۷ وری ۹۸): د اروزګان ولايت يوه ٧٠ کلنه ښځه چې په روانو جګړو کې يې خاوند او درې زامن له لاسه ورکړي، سولې ته هيله منه ده او وايي چې د سولې له راتګ سره به يې د يتيمو لمسيانو په خراب ژوند کې مثبت بدلون راشي.

په عمر پخه دغه اروزګانۍ مېرمن چې خپل مستعار نوم مريم ښيي، وايي چې خاوند يې د کورنيو جګړو په لومړيو کلونو او درې ځوان زامن يې په وروستيو لسو کلونو کې د جګړو پر مهال له لاسه ورکړي، اوس د څلورو کونډو او ٢٥ يتيمو لمسيان سرپرستي ور له غاړې ده.